順晒，個運勢順返晒。
何解？生日果真喜事連連，先有九鐵向我提出offer，雖然package不太吸引，但總算多一個選擇；至於匯豐銀行，日前亦正式聘用我，並著我下周三簽約入職云云，未來將會在中環工作，「Are You Central?」；今早就六月撞車一事出庭作證，原以為會是N年前無記電視劇《義不容辭》一般的橋段，怎料以肥皂劇收場，只進了法庭say個hi後到然後便走，原先背熟的口供變得無用武，聽法庭文員姐姐話，我未上庭被告已經認罪，各位證人穩穩陣陣收返百四蚊出庭費飲飲茶就算；回到家後，隨即接獲人事顧問公司電話，說領匯請人要見我，職位當然是我強項公關，索性入匯豐還是見一見領匯玩玩，當真考起我。
只消兩日，只接幾個電話，過去五個多月的陰霾一掃而空，學阿堅話齋，「咁順？不如過大海玩返轉。」，「咪攪我，容乜易又跌多鋪。」我答。
這個廿五歲，真是一個好開始。
4 Comments:
去領匯見埋先算! 拖一拖匯豐, 有得比較死都睇多野先決定 (因為career呢下野個決定影響都將會好深遠...)
恭喜! o拿, 係 o米 呀, 我一早話冇可能讀咁多書肯做會餓得死.....
努力!
歡迎加入中環人行列！
That's good la, Dad! You can have many chooses is good.See which is suitable for you then.
多謝大家！
積奇，早排個人真係好frusrated，幾否定自己既能力，真係幾難捱。今日總算叫做順返。我都有考慮領匯，不過hsbc果度11月要上堂，如果唔係又要拖多個月....
小西子，你係唔係中區返工？得閒食飯！
zanjo，我會揀一份岩我架啦，多謝你個生日sms，唷！
Post a Comment
<< Home